O noso propósito é demostrar, a través do deporte e do lecer, que a inclusión fai máis feliz á sociedade. Investigando, creando opcións, sensibilizando, visibilizando, facilitando unións entre persoas e colectivos que contribúan a que a inclusión de persoas con diversidade física, mental ou sensorial sexa unha realidade celebrada por todas as persoas.
Somos pura acción. Non só porque non paramos de facer, de movernos, de activar, senón porque procuramos que cada unha das nosas accións teña un resultado real, tanxible e profundo. De facer cousas que consigan cousas. Que visibilicen, que cambien percepcións, que apoien, que axuden. Pensar é fundamental, pero facer é o que consegue que as cousas sucedan.
Temos moi claro que somos só unha pequena parte da solución. Que moita xente está facendo cousas marabillosas para axudar os demais e que, sen ela, nós non chegaremos onde queremos. Que estando abertas a todas aprendemos, sumamos forzas e construímos mellor. Que a inclusión tamén comeza na colaboración.
Traballamos para as persoas. Coidamos cada relación que establecemos porque a sentimos como unha oportunidade para mellorar as cousas. Para mellorarnos e para facer as cousas doutro xeito. As persoas son as que cambian o mundo; poñelas no centro de todo o que facemos é o que lle dá sentido a todo o que facemos.
A Fundación Enki (antes Fundación Abrente) é unha organización sen ánimo de lucro que nace o 30 de decembro de 2013 coa aspiración de contribuír á construción dunha sociedade mellor. A raíz do éxito e recoñecemento da Carreira Enki, que naceu en 2014, decidimos cambiar o nome da nosa Fundación para que a nosa comunicación e recoñecemento fosen máis sinxelos para todas as persoas. Cremos no deporte e nos seus beneficios a nivel físico e emocional, pero tamén nos valores asociados á súa práctica: compañeirismo, esforzo e espírito de superación. Por iso, a través do deporte, queremos traballar pola inclusión e a eliminación das barreiras sociais que, a día de hoxe, aínda existen. Queremos sumar conciencia social, solidariedade e, sobre todo, humanidade. Fundación ENKI (CIF G70397849) está inscrita no Rexistro Único de Fundacións de Interese Galego da Xunta de Galicia co número 2015/04. É unha entidade sen ánimo de lucro acollida con data 02/02/2015, de acordo coa Lei 49/2002, de réxime fiscal das entidades sen fins lucrativos e de mecenado.
Carmen Touza
Xerente e fundadora
Bio
Son diplomada en Estatística. En 2013 impulsei o nacemento da Fundación co obxectivo de canalizar a miña experiencia persoal e a da miña contorna para usar o deporte e o lecer como medio de inclusión. Para min, ENKI son persoas que se suman a unha ilusión sen pedir nada a cambio, que traballan de sol a sol por un sorriso. Persoas que tiven o pracer de ir coñecendo neste soño e que xa forman parte da nosa vida, da nosa familia.
Presidente
Bio
Son presidente da Fundación ENKI. Graduado en Educación Secundaria, teño formación e experiencia en socorrismo e rescate vertical, e tamén exercín como militar (Academia xeral de infantaría lixeira de Toledo e técnico en explosivos e membro da infantaría lixeira transportable Príncipe nº3). Un accidente parou a miña vida, pero o deporte cambiouna. Durante anos pelexei en soidade pola inclusión no deporte e, cando coñecín o proxecto ENKI, non dubidei en sumarme, porque souben que corriamos na mesma dirección. Tamén son nadador, ciclista e triatleta profesional.
Vicepresidenta
Bio
Son arquitecta técnica de profesión e traballei nos ámbitos da programación e do desenvolvemento de I+D+i. Ser parte activa de ENKI faime sentir que formo parte dun proxecto xeneroso, con moitas ilusións e ganas de mellorar a sociedade. Porque en ENKI das unha, pero recibes mil.
Secretario
Bio
Vivir o nacemento e a evolución de ENKI permitiunos valorar o que é realmente importante nas nosas vidas e nas dos demais. Ensinounos a valorar sempre o lado bo das cousas e, sen dúbida, é un bo exemplo de que con xenerosidade e corazón, entre todos, todo é posible.
Vocal
Bio
Formo parte da Fundación desde a súa creación. Para min ENKI significa compromiso e esforzo compartido.
Vocal
Bio
Desde pequeno son scout; iso marcoume, é unha filosofía de vida, e entre as súas máximas está axudar o próximo en toda circunstancia, sen esperar nada a cambio. Cando coñecín ENKI e as persoas que o forman sentín que compartiamos a mesma filosofía, vino claro e lanceime con todo.
Vocal
Bio
Coruñés con longa experiencia empresarial en telecomunicacións, inconformista, activista e aprendiz. Estou en ENKI para conseguir a inclusión das persoas con diversidade funcional
Pero non estamos sós, tamén son ENKI todas as persoas voluntarias, as entidades sociais, os colexios e as empresas que nos apoian. Todas elas converten ENKI nunha realidade.
A transparencia na xestión da Fundación Abrente é fundamental no noso compromiso moral para contribuír á mellora da sociedade. Un compromiso que acredita a Fundación Lealtad, xa que cumprimos cos nove principios de transparencia e boas prácticas marcados por este organismo a través do seu selo ONG Acreditada. Todas as persoas, entidades e institucións que colaboran con ENKI a través da Fundación Abrente poden saber a que destinamos as súas achegas.
Financiámonos a través dos diferentes proxectos que promovemos, que tamén contan con financiamento público e privado. Ademais, o 100% da recadación que se obtén a través da Carreira ENKI destínase a entidades sociais e iniciativas concretas que promovan o acceso ao deporte das persoas con discapacidade, e así se fai público anualmente.
Canle de denuncias25.284,17 €
* Carreira ENKI, campamentos, actividades deportivas, etc.
** Inclúe axudas económicas a entidades sociais.
Categoría Mellor Proxecto de Acción Voluntaria polo Voluntariado para a inclusión
Recoñecemento polo labor realizado por distintas persoas ou entidades a nivel galego
Fomento da actividade física e de hábitos de vida activa
Premio ao Deporte Solidario
Recoñecemento polo labor de promoción do deporte
Integración Social Mediante o Deporte
Mellor Entidade Social
Integración Social Mediante o Deporte
